Germaniya oziq-ovqat chakana savdo sohasida inflyatsiya zarbasini boshdan kechirmoqda. Bu haqda mamlakatning Handelsblatt gazetasidagi maqolada so‘z boradi. 

Nashr mualliflari oziq-ovqat narxi 6 foizdan ko‘proq ko‘tarilganini ta’kidladi. Shu bilan birga, sabzavot narxi 14 foizga, o‘simlik yog‘i esa 17 foizga oshgan. Bundan tashqari, germaniyalik iste’molchilarning 85 foizi oziq-ovqat narxlarining oshishi davom etishiga ishonch bildirmoqda.

“Biz oziq-ovqat chakana savdo sohasida inflyatsion shokni boshdan kechirmoqdamiz. Bu kam ta’minlangan guruhlar uchun og‘ir zarba bo‘ladi”, deydi EY-Parthenon konsalting firmasi hamkori.

Qayd etish joiz, mamlakat Federal statistika boshqarmasi (Destatis) Germaniyada 2022-yil aprel oyida yillik inflyatsiya 7,4 foizgacha tezlashishini ma’lum qilgandi, bu ko‘p yillar davomidagi rekorddir. Xususan, narxlarning ko‘tarilishi energiya bozorlarida inqiroz va ta’minot bilan bog‘liq muammolarni keltirib chiqaradi.

• Germaniya
• Inflyatsiya
• Jahon
• oziq-ovqat
• statistika