Germaniya tomonidan Ukrainaga berilgan qurollarning bir qismi eskirgan yoki ishlamay qolgan. Bu haqda Germaniya Tashqi ishlar vaziri Annalena Barbok CNN telekanaliga bergan intervyusida ma'lum qildi.

"Agar siz faqat va'da qilsangiz va bajarmasangiz va hatto ishlamay qolgan narsani yetkazib bersangiz, buning foydasi yo'q",– dedi u.

Shuningdek, uning ta’kidlashicha Germaniya Ukrainaga berayotgan qurollari ishlamasligini oldindan bilgan.

"Bizning ba'zi tizimlarimiz allaqachon eskirgan, ba'zilari haqida biz boshidanoq ular ishlamayotganini bilardik va biz bu haqda gaplashdik",– deya qo'shimcha qildi Burbok.

TIV rahbarining aytishicha, qurollarning ishlayotganiga ishonch hosil qilish zarurati Berlin haligacha “Taurus” taktik raketalarini Kiyevga o‘tkazmaganining sabablaridan biridir.

"Torosni qachon topshirishimizni ayta olmayman. Ular shu qadar murakkabki, biz barcha tafsilotlarni aniqlab olishimiz kerak - ular qanday ishlaydi, kim ularni boshqaradi. Ukrainada vaqt kamligini tushunaman, lekin biz Kiyevga qurol topshirsak u ishlashi kerak, - dedi u.

• Germaniya
• Qurol
• Ukraina