“Germaniyada koronavirus bilan bogʻliq vaziyat avval jiddiylashmoqda. Bunaqasi pandemiya davrida ham kuzatilmagan”, — deya taʼkidlagan Germaniya sogʻliqni saqlash vaziri Yens Shpan Berlindagi matbuot anjumanida. Bu haqda AIF xabar bermoqda.

“Vaziyat ilk marotaba reanimatsiyadagi 100 dan ortiq bemorlarni bir mintaqadan boshqasiga koʻchirishga taqozo etdi”, — dedi u. Shuningdek, aholini ijtimoiy aloqalar sonini minimal darajaga tushirishga chaqirdi.

Oʻz navbatida, Berlindagi Robert Kox instituti rahbari Lotar Viler klinikalarda ogʻir kasallar soni ortib borayotgani, hafta davomida birinchi marta 2 mingga yaqin bemor qabul qilinganini aytgan.

Qayd etilishicha, Germaniyada koronavirus infeksiyasining yangi holatlari oxirgi sutkada 76 414 taga oshgan, bu pandemiya davridan keyin navbatdagi maksimal koʻrsatkichdir. Oʻtgan sutka davomida mamlakatda 357 nafar bemor vafot etgan boʻlib , bu boʻyicha umumiy koʻrsatkich 100 476 nafarni tashkil etgan.

Avvalroq, Berlindagi barcha kasalxonalar koronavirus bilan kasallanganlar soni ortgani sababli rejalashtirilgan operatsiyalarni keyinga surgani xabar qilingan.

• Jahon
• koronavirus