Germaniya Federal statistika boshqarmasining ma’lum qilishicha, Germaniya davlat qarzi koronavirus pandemiyasi va energetika inqiroziga qarshi kurashga sarflangan mablag‘lar hisobiga rekord darajada oshib, 2,37 trillion yevroga yetgan.

Mahalliy manbalarning xabar berishicha, 2022-yil oxirida federal, shtat, munisipal birlashmalar va ijtimoiy ta’minot organlarining barcha qo‘shimcha budjetlarni hisobga olgan holda umumiy qarz 2 trln 367 mlrd 300 mln yevroni tashkil qilgan. Statistika agentligining dastlabki hisob-kitoblariga ko‘ra, davlat qarzi 46,1 milliard yevroga yoki 2 foizga oshgan.

Qayd etilishicha, bu davlat qarzining so‘nggi yillardagi eng yuqori darajasi. O‘tgan yilning uchinchi choragi yakuni bilan solishtirganda esa qarz 41,9 milliard yevroga yoki 1,8 foizga oshgan.

Qayd etilishicha, bu ma’lumotlarda faqat nodavlat sektor – Germaniya va xorijdagi banklar hamda xususiy kompaniyalar oldidagi majburiyatlar hisobga olingan.