FAO 2021-yil uchun Global ochlik indeksi reytingini e’lon qildi.

Unda O‘zbekiston eng yaxshi ko‘rsatkichga ega bo‘lgan mamlakatlar orasida 21-o‘rinni egalladi. Ma’lumotlarga ko‘ra, 2020-yil O‘zbekistonda ushbu ro‘yxatda 30-o‘rinni band qilgan.

Shuningdek, Belarus, Bosniya va Gersegovina hamda Braziliya reytingda eng yuqori pog‘onada bo‘lsa, eng kichik ko‘rsatkichlar Somali, Suriya va Janubiy Sudanda kuzatilgan.

O‘zbekiston qo‘shnilaridan Qozog‘iston 28-o‘rin, Qirg‘iziston 40-o‘rin, Turkmaniston esa 48-o‘rinda.

Global ochlik indeksi to‘rtta ko‘rsatkich bo‘yicha aniqlanadi:

- to‘yib ovqatlanmaydigan aholi ulushi;

- besh yoshgacha bo‘lgan vazni me’yordan past bolalar ulushi;

- besh yoshgacha bo‘lgan bo‘yi me’yordan past bolalar ulushi;

- besh yoshgacha bo‘lgan bolalarning o‘lim darajasi.

• Global
• Jahon