Grozniyda fotografga tegishli ayiq bolasi mijoz ayolning yuzini tishlab oldi. Hodisa Checheniston poytaxtining markaziy bog‘ida sodir bo‘lgan.
Karina ismli jabrlanuvchining aytishicha, u singlisi bilan Grozniydagi markaziy bog‘da sayr qilgan. Qizlarga esdalik sifatida o‘ziga yoqqan hayvon bilan suratga tushishni taklif qilishgan. Videoda tasvirlanganidek, jabrlanuvchi ayiq bolasini qo‘liga oladi, shundan so‘ng yirtqich uning iyagidan ushlab olgan.
Videodan ko‘rinib turibdiki, ayiq bolasi dastlab o‘zini juda xotirjam tutadi va qiz: “Qara, u qanchalik shirin”, deydi. Ammo birdan ayiq keskin harakat qilib, tishlari bilan qizning iyagini ushlab oladi.
Ta’kidlanishicha, jabrlanuvchi huquq-tartibot idoralariga ariza bilan murojaat qilgan. U o‘z bayonotida qo‘ng‘ir ayiq bolasining tumshug‘i yo‘qligini ko‘rsatib, huquq-tartibot idoralari xodimlaridan suratkash egasida hayvonga tegishli hujjatlar bor-yo‘qligini tekshirishni so‘ragan.
Shundan so‘ng, ayiq bolasi fotograf egasidan olingan va vaqtincha hayvonot bog‘iga biriktirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!