Rejissyor Ridli Skott tomonidan suratga olingan “Guchchi uyi” filmi modalar uyi merosxoʻrlari tomonidan keskin tanqid qilindi.
Guchchi sulolasining vakillari rejissyor kompaniyani 1953-1986 yillar mobaynida boshqargan Aldo Guchchi va oilaning boshqa aʼzolari filmda razil, johil va atrofdagilarga nisbatan shafqatsiz odamlar sifatida aks ettirilganidan norozi boʻlishgan.
“Bu ayni vaqtda brend asosini tashkil qilayotgan merosni haqorat qilish bilan barobar”, deyiladi kompaniya bayonotida.
Guchchi oilasi vakillari oʻz nomlari va imijlarini himoya qilish uchun chora koʻrish huquqiga ega ekanliklarini ham taʼkidlab oʻtishgan.
Filmda Patrisiya Rejanining ijobiy qahramon sifatida koʻrsatib berilgani oila aʼzolariga maʼqul boʻlmagan. Patrisiya Rejani sobiq eri Mauritsio Guchchini oʻldirgani uchun 18 yil qamoq jazosiga hukm qilingan.
“Patrisiya Rejani filmda jabrdiyda qilib koʻrsatilyapti. Haqiqatdan bunchalik uzoq narsa boʻlishi mumkin emas”, deyiladi oila bayonotida.
Patrisiya Rejanining oʻzi esa uning obrazini gavdalantirgan Ledi Gaga ijrosini yuqori baholagan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!