Gulnora va Lola Karimovalarning qizlari Iman Karimova va Maryam Tillayeva O‘zbekistonning birinchi prezidenti Islom Karimov qabrini ziyorat qildi. Avvalroq, ular 8 yil deganda ilk bora ko‘rishishgani haqida xabar berilgan edi.

Iman Karimova o‘zining sahifasida Islom Karimov qabrini ziyorat qilib, poyiga gul qo‘ygani aks etgan fotolarni joyladi. Shuningdek, Samarqand u uchun muhim shahar ekanini aytgan.

“Samarqand men uchun muhim shahar. Unda tarix, madaniyat, san’at, qadriyatlar mujassam. Uzoq muddatdan so‘ng ilk bor bu yerga kelganimdan so‘ng men Samarqandning faqat o‘zigagina xos bo‘lgan muhitini sevib qoldim. Bobom har doim bu go‘zal shahar haqida va o‘zi ulg‘aygan joylar: har kuni Registon orqali maktabga borgan yerlari haqida gapirardi. U bilardi va bilganlarini ulashishni yoqtirardi, eng muhimi esa uni tinglash doim qiziq bo‘lgan. Har gal O‘zbekistonga kelganimda bu yerga qaytaman. Bu yerda men o‘zimni hotirjam his qilaman”, – deydi Iman Karimova.

• Instagram
• Samarqand