Arqadag‘ Gurbanguli Berdimuhamedov 1 apreldan mehnat taʼtiliga chiqmoqchi.

U bu haqdagi “shaxsiy iltimos” bilan Turkmaniston prezidenti Sardor Berdimuhamedovga,u ning yangi tarkibdagi hukumat bilan o‘tkazgan ilk majlisida, murojaat qilgan.

Yig‘ilishda Gurbanguli Berdimuhamedov ham Xalq maslahati rahbari (senat) sifatida ishtirok etgan.

“Maʼlumki, men 40 yildan buyon rahbarlik lavozimida ishlab, 25 yildan beri siyosat bilan shug‘ullanaman. Shu vaqt ichida ish hajmi ko‘p bo‘lgani uchun to‘liq dam ololmadim”, – dedi Gurbanguli Berdimuhamedov 1-apreldan taʼtil so‘rab.

Arkadag‘ Gurbanguli Berdimuhamedov (taʼkid TDX agentliginiki, -tahr.) taʼtil davomida yangi kitoblari ustida ishlashni yakunlashini, shuningdek, joriy yilda o‘tkazilishi rejalashtirilgan Markaziy Osiyo mamlakatlari va Rossiya Federatsiyasining parlamentlararo forumiga, Markaziy Osiyo va Rossiya ayollari muloqoti va boshqa xalqaro tadbirlarga munosib tayyorgarlik ko‘rishni rejalashtirayotganini taʼkidladi.

Shuningdek, Gurbanguli Berdimuhamedov taʼtil davrida Xalq Maslahati Milliy Kengashi raisi vazifasini vaqtincha bajarishni deputat Q.Babayev zimmasiga yuklash to‘g‘risida ham iltimos kiritdi.

Prezident Sardor Berdimuhamedov Gurbanguli Berdimuhamedovni tinglab bo‘lib, so‘rov qanoatlantirilishini taʼkidlagan.

• Gurbanguli Berdimuhamedov
• Sardor Berdimuhamedov
• Ta'til
• Turkmaniston