Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedovning Samarqand shahriga tashrifi yakunlandi. Bu haqda O‘zbekiston Prezidenti matbuot xizmati xabar berdi.

Ikki kunlik tashrif doirasida O‘zbekiston Prezidenti Shavkat Mirziyoyev va oliy martabali mehmon ikki tomonlama muzokaralar o‘tkazdilar, “Boqiy shahar” tarixiy-etnografik majmuasi va “Zamonlar sadosi” ko‘rgazmasi bilan tanishdilar.

Turkman xalqining milliy yetakchisini O‘zbekiston Respublikasining “Oliy Darajali Do‘stlik” ordeni bilan taqdirlash marosimi bo‘lib o‘tdi.

Tashrif tadbirlari yakunlangach, Samarqand xalqaro aeroportida oliy martabali mehmonni O‘zbekiston rahbari kuzatib qo‘ydi.

Shundan so‘ng Prezident Shavkat Mirziyoyev Toshkentga qaytib keldi.

• Gurbanguli Berdimuhamedov
• O‘zbekiston
• Shavkat Mirziyoyev
• Turkmaniston