Bugun, 5-avgust kuni soat taxminan 17:40 larda G‘uzor tumani “Obi-hayot” MFY Pachkamar qishlog‘i hududidan o‘tuvchi Termez-Toshkent M-39 avtomobil yo‘lining 1249 kilometrida “Daf” rusumli yuk mashinasidagi haydovchi ehtiyotsizligi oqibatida boshqaruvni yo‘qotib, G‘uzor daryosiga tushib ketgan, natijada 2 nafar Tojikiston Respublikasi fuqarolari turli darajadagi tan jarohati olib, yuk mashinasida qisilib qolishgan.

Kelib tushgan xabarga ko‘ra, G‘uzor tuman FVBdan qutqaruv ekipaji voqea joyiga soat 17:55 larda yetib borgan, yong‘in-qutqaruvchilarining sa’y-harakatlari va mahalliy fuqarolarning ko‘magida 2 nafar fuqaro qutqarib olinib, tuman Tibbiyot birlashmasiga yuborilgan va fuqarolar shifokorlar nazoratida.

Hozirda holat bo‘yicha surishtiruv ishlari olib borilmoqda.

• Qashqadaryo
• YTH
• Yuk_avtomobil