Sayyohlar Gvatemaladagi Fuego vulqonining krateriga urilgan chaqmoqni suratga olishga muvaffaq bo‘ldi, deb xabar bermoqda “MIR 24”.

Qayd etilishicha, noyob hodisa aks etgan qisqa video tezda internetda tarqalgan.

Vulqon chaqmoqlari - bu oddiy momaqaldiroq bilan emas, balki otilishlar bilan bog‘liq bo‘lgan juda kam uchraydigan hodisa. Kul zarralari manfiy quvvatni, suv bug‘i esa musbat quvvatni to‘playdi. Bu chaqmoqni keltirib chiqaradi. Fuego vulqoni faoliyati tufayli Markaziy Amerika va butun dunyoga ma’lum.

Bundan bir yil avval, navbatdagi portlash tufayli Gvatemala hukumati yuzlab odamlarni evakuatsiya qilishga majbur bo‘lgan. 2018-yilda esa 190 kishi Fuegro qurboniga aylangan edi.

• Vulqon
• chaqmoq