Gidrometeorologiya xizmati boshlangan hafta uchun ob-havo ma’lumotini e’lon qildi. 

Ma’lum qilinishicha, 11-13 yanvar kunlari respublika hududlarida, asosan, quruq ob-havo bo‘lishi kutilmoqda. Faqat 13-yanvarda respublikaning tog‘oldi va tog‘li hududlarida ba’zi joylarda yomg‘ir, baland tog‘li hududlarda qor yog‘adi.

Mamlakat hududidan sovuq havo massasi asta-sekin chekinadi va hafta o‘rtasiga kelib, havo harorati kechasi 3-6 daraja iliqqacha, kunduzi 9-12 daraja iliqqacha ko‘tariladi.

14-yanvarda Kaspiy dengizi hududlaridan nisbatan nam, ammo iliq havo massasi kirib keladi. O‘zbekistonning aksar hududlarida yomg‘ir yog‘adi, shimolda qorga aylanishi mumkin. Ayrim tumanlarda shamol 15-20 metr/sukundgacha kuchayishi kutilmoqda.

Havo harorati 2-4 daraja ko‘tariladi va qish faslining o‘rtasi uchun me’yoriy qiymatlardan 3–5 darajaga yuqori bo‘ladi. Respublikaning ayrim hududlarida tuman kuzatiladi.

• Ob-havo
• gidromet