Bugun Bishkekda maktablar, savdo markazlari, shifoxonalar, hatto tug‘ruqxonalar va bolalar bog‘chalarida ham ommaviy evakuatsiya qilindi. Bunga noma’lum shaxslar militsiyaga telefon orqali binolarda bomba borligi haqida xabar bergani sabab bo‘lgan.

Hududlar o‘rab olingan, huquq-tartibot idoralari xodimlari voqea joyida nazoratda.
“Sputnik Кыргызстан” e’lon qilgan kadrlarda Bishkekdagi 69-sonli maktab o‘quvchilari aks etgan. Ammo bugun Ta’lim vazirligi rasman onlayn ta’limni e’lon qilgan. Katta ehtimol bilan ayrim maktab ma’muriyatlari bugun oflayn rejimda o‘qitishga qaror qilishgan. Ammo bomba haqidagi xabar maktabdagi ta’lim jarayonini to‘xtatgan.

• Evakuatsiya
• Qirg‘iziston