Prezident rafiqasi Ziroat Mirziyoyeva raisligidagi “Zamin” jamgʻarmasi eshitishida nuqsoni boʻlgan bolalar maxsus maktab-internatlarini jihozlash ishlarini davom ettiradi.

Qayd etilishicha, u bugun Zarbdor tumanidagi 1- hamda 2-maktablarga tashrif buyurdi.

Ushbu jamgʻarma eshitishida nuqsoni boʻlgan bolalar taʼlimini qoʻllab-quvvatlash dasturi doirasida taʼlim muassasalariga zamonaviy FM tizimlarini sovgʻa qildi (bu tizim zarur tovushlarni bevosita eshitish apparatiga uzatadi).

“Muhim vazifalarimizdan biri – mukammal inklyuziv jamiyatni yaratish. Biz bu kabi farzandlarimizning mahoratini oshirib, sifatli taʼlim olishlarini istaymiz”, — deydi Mirziyoyeva.

Shuningdek, u har bir bola umumiy teng tartibda bilim olishi, oʻz salohiyatini erkin roʻyobga chiqarish imkoniyatiga ega boʻlishi kerakligini taʼkidladi.

Keltirilishicha, joriy yil boʻyicha Qoraqalpogʻiston, Jizzax, Qashqadaryo, Buxoro, Fargʻona va Andijon viloyatlaridagi sakkizta maxsus maktab FM tizimiga ega boʻladi. 2022-yil oxirigacha barcha “maxsus” maktablarning toʻliq jihozlanishi kutilmoqda.

• Maktab
• Mirziyoyeva