Tolibon matbuot kotibi Suhail Shohin aviasiya texnikasi atrofidagi qarama-qarshiliklar va O‘zbekiston bilan munosabatlar haqida ma’lumot berdi.

Xabarda keltirilishicha, “Tolibon” rasmiysi aviatsiya texnikasi haqidagi savolga javob berar ekan, bu qardosh davlatlar bilan munosabatlarga ta’sir qilmasligini ta’kidlagan. U afg‘on xalqi O‘zbekiston bilan azaldan yaxshi munosabatga ekani va bu davlat uzoq vaqtdan buyon “Tolibon”ning siyosiy rahbariyati bilan yaxshi aloqa o‘rnatganini qayd etgan.

“O‘zbekiston Afg‘oniston xalqiga bir necha bor insonparvarlik yordami jo‘natgan, biz bundan minnatdormiz. Mazkur davlat Afg‘onistondagi megaloyihalarni amalga oshirishda ishtirok etmoqchi. Biz ikkalamiz ham musulmon davlatmiz,  bir-birimiz bilan tinchlik va birodarlikda yashashni xohlaymiz. Bu va boshqa har qanday masalani diplomatik yo‘l bilan hal qilishimizga ishonaman”, – degan u.

• Afg‘oniston
• Toliblar