3-iyun Butunjahon velosiped kuni munosabati bilan velomarafon oʻtkazilishi rejalashtirilgan. Shu munosabat bilan bir necha koʻchalar yopiladi. Bu haqda Toshkent shahar hokimligi matbuot xizmati maʼlum qildi.

Qayd etilishicha, 4-iyun kuni soat 8:00 dan 11:00 ga qadar quyidagi koʻchalar yopiladi:

Abay koʻchasi Abdulla Qodiriy koʻchasi bilan kesishmasidan Alisher Navoiy koʻchasi kesishmasigacha;

Olmazor koʻchasi Alisher Navoiy koʻchasi bilan kesishmasidan “Oʻzbekiston” metro bekatigacha;

Afrosiyob koʻchasi “Oʻzbekiston” metro bekatidan Nukus koʻchasi bilan kesishmasigacha;

Nukus koʻchasi Afrosiyob koʻchasi bilan kesishmasidan Fargʻona yoʻli koʻchasi kesishmasigacha;

Abdulla Qodiriy koʻchasi Fargʻona yoʻli koʻchasi bilan kesishmasidan Abay koʻchasi kesishmasigacha.

“Noqulayliklar uchun uzr soʻragan holda, haydovchilarga aylanma yoʻllardan foydalanishni tavsiya etamiz”, – deyiladi xabarda.

• Marafon
• Toshkent
• Yo'llar