Ma’lumotlarga ko‘ra, Parag Agraval 2011-yildan beri mazkur ijtimoiy tarmoqda faoliyat olib boradi va hozirda unga ishonchli boshqaruvchi deb qaralmoqda.
Hindiston matbuoti Twitter bosh direktori etib tayinlangan hindistonlik Parag Agravalga bag‘ishlangan maqtovli sarlavhalar ostida tabriklar bildirishdi. Jumladan, Twitter'ning yangi rahbarini hindistonlik minglab platforma foydalanuvchilari ham tabrikladi.
Ko‘pchilik Parag Agravalning S&P 500 reytingidagi eng yosh bosh direktor bo‘lganiga e’tibor qaratgan. Shuningdek, foydalanuvchilardan biri dunyoning yirik texnologik kompaniyalarini boshqarayotgan hindlar ro‘yhatini e’lon qildi:
Google – Sundar Pichai;
Microsoft – Saiya Nadella;
IBM – Arvind Krishna;
Adobe – Shantanu Narayen;
VMWare – Ragu Raguram.
Xabarda keltirilishicha, Parag Agraval Hindiston texnologiya instituti bitiruvchisi hisoblanadi. Bundan tashqari, u AQSh ning Stenford universitetida tahsil olgan va Twitter'dan oldin Parag Agraval Microsoft, Yahoo va AT&T kompaniyalarida ishlagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!