Xitoy hukumati amaldorlarga iPhoneʼdan foydalanishni taqiqladi. Pekin bu usul yordamida Qoʻshma Shtatlarga tegishli boʻlgan dasturiy taʼminot va tizimlarga bogʻliqlik darajasini kamaytirishga harakat qilmoqda.

Maʼlumotlarga koʻra, rasmiy Pekin hukumat tomonidan qoʻllab-quvvatlanadigan kompaniyalar, davlat korxonalari va muassasalarida ham Apple smartfonlaridan foydalanishni taqiqlamoqchi. Ayrim kompaniyalarda xodimlar ofislarga iPhone olib kirmaslik haqida ogohlantirila boshlagan.

Hukumat vakillari taqiq haqida rasman eʼlon qilganlaricha yoʻq, shuning uchun ham aynan qaysi tashkilot va muassasalar cheklovga duch kelishi hozircha noaniq boʻlib qolmoqda. Cheklovlarning qay darajada qatʼiy boʻlishi ham nomaʼlum. Davlat tashkilotlari xodimlariga Apple qurilmalaridan faqat ish joyida foydalanish taqiqlanadimi yoki ulardan butunlay voz kechishga toʻgʻri keladimi – bunga ham aniqlik kiritilmagan.

• Apple
• Siyosat
• Xitoy
• iPhone