Livanning “Hizbulloh” harakati Isroil qo‘shinlarining Livan janubidan olib chiqilishini diqqat bilan kuzatib borishini va to‘liq jangovar tayyorgarlikda qolishini aytdi. Ushbu fikrlar Isroil va Livanning sulh bitimidan keyingi birinchi bayonotda aytib o‘tildi.

Ushbu bayonotda “Hizbulloh” jangchilari Isroil tomonidan qilingan har qanday tajovuzni qaytarishga tayyor ekanligi ta’kidlangan. Shuningdek, harakat kuchlari Isroil armiyasi ustidan g‘alaba qozonib, uning maqsadlariga zarba bergani va mag‘lubiyatga uchratgani haqida ham aytib o‘tgan.

Bundan tashqari, bayonotda Isroilning Livanga qarshi hujumlariga qarshilik ko‘rsatishi haqida ham ma’lumotlar keltirilgan. 2023-yil 8-oktyabrda G‘azo sektorini qo‘llab-quvvatlash uchun boshlangan Isroil bilan to‘qnashuvlarda 417 kun ichida 4637 dan ortiq harbiy operatsiyalar o‘tkazilgan.

“Hizbulloh” ma’lumotlariga ko‘ra, ular orasida 1666 ta harbiy operatsiya ham bor. “Hizbulloh”ning ta’kidlashicha, uning jangchilari Isroil armiyasining pozitsiyalari, bazalari va kazarmalariga, shuningdek, Livan chegarasidan Tel-Avivdan tashqaridagi hududlarga qadar Isroil shaharlari va aholi punktlariga zarba berishgan. Shuningdek, ular Isroil qo‘shinlarining Livanga quruqlikdagi hujumlarini muvaffaqiyatli qaytarishdi.

• Isroil
• Livan