Livan hukumati “Isroilni jinoyatchi va milliy suverenitetni buzuvchi” deb da’vo qilib, bir necha kishining o‘limiga va jarohatlanishiga olib kelgan peyjerlarning portlashini qoraladi.

Livan hukumati tomonidan e’lon qilingan bayonotda “Isroilning hujumi Livan suverenitetining jiddiy buzilishi va har tomonlama jinoyatdir” deb ta’kidlangan.

Bayonotda aytilishicha, Livan hukumati ushbu jinoyatni tergov qilishni ta’minlash uchun darhol tegishli davlatlar va Birlashgan Millatlar tashkiloti bilan barcha aloqalarni o‘rnatgan. Avvalroq, peyjerlari portlatib yuborilishi oqibatida 11 kishi halok bo‘lgani, 4 mingdan ortiq kishi yaralangani haqida xabarlar tarqalgan edi.

The Times of Israel xabar berishicha, Mossad qurilmalarni “Hizbulloh”ga yetkazib berilishidan oldin qo‘lga kiritgan, ularning batareyalariga portlovchi moddalar o‘rnatgan va keyin ularning haroratini masofadan boshqarib oshirgan.

Jabrlanganlarning 400 nafari og‘ir ahvolda ekanligi aytilmoqda. Shuningdek “Hizbulloh” Isroildan qasos olishga va’da bergan.

• Falastin
• Isroil
• Livan