“Hizbulloh” Hasan Nasrulloh o‘limidan so‘ng harakat ijroiya kengashi raisi Hoshim Safiyiddinning bosh kotib lavozimiga tayinlanganini rad etdi.

“Hizbulloh” yozma bayonotida ba’zi matbuotda yangi bosh kotib tayinlanishi haqidagi xabarlarning hech qanday ahamiyati yo‘qligini ta’kidladi.

“Biz baʼzi ommaviy axborot vositalarida Bosh kotib (Nasrulloh) shahid boʻlganidan keyin “Hizbulloh” rahbariyatidagi tashkiliy tartib-qoidalar haqida tarqalayotgan xabarlar haqiqiy emasligini aniq aytmoqchimiz”, — deyiladi bayonotda.

Bayonotda, shuningdek, “Hizbulloh” rahbariyatining bu boradagi ishlari davom etayotgani ta’kidlanadi.

“Hizbulloh” harakat rahbariyatining rasmiy bayonotiga qadar bunday xabarlarga ishonmaslikka chaqirdi.

• Livan