“Hizbulloh”ning Isroil shimolidagi Binyamin-Givat-Adada harbiy bazasiga dron hujumi natijasida 70 nafarga yaqin isroillik askar yaralandi. Bu haqda “Hizbulloh” rasmiylari xabar berdi.

Qayd etilishicha, dron baza hududidagi oshxonaga qulagan. O‘sha paytda oshxona odamlar bilan gavjum bo‘lgan. Dastlabki ma’lumotlarga ko‘ra, o‘nlab askarlar og‘ir yaralangan.

“Hizbulloh” Isroil shimolidagi harbiy bazaga hujumdan oldin aholining Isroil askarlari to‘planadigan hududlarga yaqinlashmasligi haqida ogohlantirish e’lon qilgan.

• Isroil
• Livan