Qoraqalpog‘iston Vazirlar Kengashi, viloyatlar va Toshkent shahar hokimliklari huzurida tadbirkorlik infratuzilmasini rivojlantirish jamg‘armalari tashkil etildi. Bu haqida “Respublika hududlarida tadbirkorlik infratuzilmasini rivojlantirishga doir qo‘shimcha chora-tadbirlar to‘g‘risida”gi Prezident farmonida so‘z boradi.

Jamg‘armalarni shakllantirishning asosiy manbasi yerni xususiylashtirishdan va yerni ijaraga berishdan tushadigan mablag‘lar hisoblanadi.

Jamg‘armalar mablag‘lari quyidagilar uchun sarflanadi:

 - “Yangi O‘zbekiston”, davlat uy-joy dasturlaridagi massivlarni tashqi muhandislik-kommunikatsiya bilan ta’minlash;

- 200 milliard so‘mdan oshadigan, investorning o‘z mablag‘lari 25 foizdan kam bo‘lmagan, investitsiya dasturlariga kiritilgan loyihalarni tashqi muhandislik-kommunikasiya tarmoqlari bilan ta’minlash;

- aholi punktlari bosh rejalari, hududlarning ma’muriy-rejalashtiruv topshiriqlari va batafsil rejalashtirish loyihalarini ishlab chiqish.

Farmon bilan shuningdek, Urbanizatsiyani rivojlantirish jamg‘armasi tugatildi.

• Farmon
• Prezident
• Tadbirkorlik
• hokim