Yangi yil munosabati bilan e’lon qilingan qо‘shimcha dam olish kunlari (30-dekabr – 2-yanvar) qarzdorlik tufayli xonadonlarda elektr energiyasidan uzilishlar bо‘lishini oldini olish uchun fuqarolar tо‘lov tizimlari va bank mobil ilovalari orqali tо‘lovlarni amalga oshirishi mumkin. “Hududiy elektr tarmoqlari” AJ barcha elektr energiyasi iste’molchilarini ogohlantirdi.

“Shuningdek, elektr energiyasidan foydalanish qoidalariga qat’iy amal qilishni, nosoz va nostandart qurilmalardan foydalanmaslikni hamda yoritish bezaklarini nazoratsiz qoldirmaslikni sо‘rab qolamiz” – deyiladi xabarda.

Ma’lumot uchun, respublikamizda elektr energiyasini hisobga olish va nazorat qilishning avtomatlashtirilgan tizimi (ASKUE)ning joriy etilishi munosabati bilan qarzdorlar avtomatik tarzda tarmoqdan ajratiladi.

• Ogohlantirish
• Yangi yil
• “Hududiy elektr tarmoqlari”