Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov Telegram messenjerida yaqindan paydo bo‘lgan reklama siyosati borasida o‘z fikri bilan bo‘lishdi. 

Allamjonovga ko‘ra, tahririyat yoki blogerning uzoq qiyinchiliklari evaziga to‘plagan obunachilariga ularning nuqtai nazariga mos kelmaydigan reklamalarni beso‘roq joylashtirish kamida “naglo” (bezbet)lik.

“Siz eshshakdek ishlab kanalni ko‘tarasiz, uning obro‘si uchun xavf-xatarga qaramay yozasiz, sizning kanalingizni hamma o‘qishni boshlaganida Telegram tayyorga ayyor bo‘lib, sizdan so‘ramay o‘z reklamasini sizning kanalingizga qo‘yib, pul ishlaydi. Sizga esa figushki. Yana nimamush, “Reklama ko‘rishni istamaysanmi? To‘la! Reklama sening kanalingda chiqishini xohlamaysanmi? To‘la!” Yaqinda O‘zbekiston Prezidenti kanalida yoki xuquq-tartibot organlari kanalida ham reklama chiqishi g‘alati ko‘rindi. 

Bu reklama sizga yoqadimi, siz olib borayotgan kanal mavzusiga to‘g‘ri keladimi, yo‘qmi — ularga farqi yo‘q. Pul kelsa bo‘ldi. Xohlasa, cho‘chqa go‘shtini, xohlasa, dinimizga zid bo‘lgan reklamalarni sizga tiqishtirsa ham, siz hech narsa qila olmaysiz”, – deya xavotirini bildirmoqda Allamjonov. 

U, shuningdek, Durov taklif qilgan ushbu yangilik rus segmentidagi kanal administratorlari tomonidan yaxshi qabul qilinmaganini yozadi.
Bundan tashqari rasmiy kanallar, jumladan, xavfsizlikka, davlat siyosatchilariga yoki hukumatga aloqador kanallarda kriptovalyutalarning reklamasi chiqayotganiga nisbatan ham e’tirozli munosabat bildirgan.

“Rossiyaning Federal jazoni ijro etish xizmati Telegram kanalida kriptovalyutalarning reklamasi chiqqanini ko‘rdik. Tabiiyki, bu — juda ham g‘alati holat. Bu kabi reklamalar davlat organlari va tashkilotlarining kanallarida, siyosatchilarda hamda hukumat odamlarining kanallarida chiqishi noo‘rin. O‘z navbatida bu ularning obro‘si va mavqeiga jiddiy putur yetkazishi aniq”, – deydi u.

Shuningdek, Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Telegram asoschisi Pavel Durovga hazilomuz murojaatini ham yo‘llaydi:

“Hurmatli Pavel, Telegramga hammani obdon o‘rgatib qo‘yib, endi bu yo‘l bilan proyektni monetizasiya qilmasangiz bo‘lardi. Albatta, bizdan so‘rab o‘tirarmidingiz. Undan ko‘ra, katta kompaniyalarga sotib yuborganingiz yaxshi kompaniyani, chem birovning kanaliga naglo o‘zingizni reklamangizni joylagandan ko‘ra. Yoki Youtube'ga o‘xshab bo‘lishing kanal egalari bilan va o‘sha kanalga zid reklamani qo‘ymaslik imkoniyatini ham yarating, deb qoluvchi Komil Allamjonov.”

Eslatib o‘tamiz, ayni vaqtda Telegram messenjeri tartibiga ko‘ra, tahririyat yoki bloger ruxsatisiz, xohlagan kanaliga reklama qo‘yilishi mumkin.

• Durov
• Telegram