Ichki ishlar vazirining shaxsiy tarkib bo‘yicha buyrug‘i bilan lavozim tayinlovlari amalga oshirildi.

Unga ko‘ra:

Polkovnik Saidov Olim Chorikulovich IIV Jamoat xavfsizligi departamenti boshlig‘i o‘rinbosari – yo‘l harakati xavfsizligi xizmati boshlig‘i lavozimiga tayinlandi.

Tayinlovga qadar O.Saidov IIV Yo‘l harakati xavfsizligi bosh boshqarmasi boshlig‘i lavozimida faoliyat yuritgan.

Polkovnik Berdialiyev Baxtiyor Erkinovich IIV Jamoat xavfsizligi departamenti boshlig‘i o‘rinbosari – huquqbuzarliklar profilaktikasi xizmati boshlig‘i lavozimiga tayinlandi.

Tayinlovga qadar B.Berdialiyev IIV Huquqbuzarliklar profilaktikasi bosh boshqarmasi boshlig‘i lavozimida faoliyat yuritgan.

Podpolkovnik Azizov Davron Abduganiyevich IIV Jamoat xavfsizligi departamenti boshlig‘i o‘rinbosari – jamoat tartibini saqlash xizmati boshlig‘i vazifasini bajaruvchisi etib tayinlandi.

Tayinlovga qadar D.Azizov IIV Huquqbuzarliklar profilaktikasi xizmati boshlig‘i o‘rinbosari-huquqbuzarliklar profilaktikasi faoliyatini tashkil etish boshqarmasi boshlig‘i lavozimida faoliyat yuritgan.

polkovnik Orinbayev Amanbay Tleubayevich IIV Probatsiya xizmati boshlig‘i lavozimiga tayinlandi.

Tayinlovga qadar A.Orinbayev IIV Jamoat tartibini saqlash xizmati boshlig‘ining 1-o‘rinbosari lavozimida faoliyat yuritgan.

Eslatib o‘tamiz, 2021-yil 26-martdagi “Jamoat xavfsizligini ta’minlash va jinoyatchilikka qarshi kurashish sohasida ichki ishlar organlari faolyatini sifat jihatdan yangi bosqichga ko‘tarish chora-tadbirlari to‘g‘risida”gi Prezident farmon bilan Patrul-post xizmati va jamoat tartibini saqlash bosh boshqarmasi, Huquqbuzarliklar profilaktikasi bosh boshqarmasi, Yo‘l harakati xavfsizligi bosh boshqarmasi, Probasiya xizmati Jamoat xavfsizligi departamenti tarkibiga kiritilgan.

• IIV
• Tayinlov