Islom Hamkorlik Tashkiloti (IHT) ishg'ol ostidagi G'arbiy Sohilda Isroil harbiylari tomonidan 3 nafar falastinlik o'ldirilganini qoraladi.

IHT oʻz bayonotida Gʻarbiy Sohildagi Jenin shahri yaqinida mashinada uch falastinlikning oʻldirilishini “dahshatli jinoyat” deb atadi.

IHT, shuningdek, G'arbiy Sohildagi aqidaparast yahudiy ko'chmanchilar guruhlari tomonidan falastinliklarga uyushtirilgan hujumlarni qoraladi. Tashkilot 4 avgust kuni Nablusda radikal guruhlarning hujumlari natijasida bir falastinlik halok bo'lganini, yana bir necha kishi yaralanganini eslatdi.

IHT provokatsiyalarning ehtimoliy oqibatlari uchun Isroilni javobgar deb hisobladi va xalqaro hamjamiyatni Isroilning falastinliklarga qarshi jinoyatlarini oldini olishga chaqirdi.

Isroil harbiylari 6-avgust, yakshanba kuni Jenin shahri yaqinidagi Arraba hududida falastinliklar bo‘lgan mashinaga qarata o‘t ochdi. Hodisa oqibatida 3 nafar falastinlik halok bo‘ldi.

Isroil armiyasi halok bo‘lgan falastinliklar hujumga tayyorgarlik ko‘rayotgan “terrorchilar yacheykasi”ning bir qismi bo‘lganini, mashina ichidan avtomatik miltiq topilganini iddao qildi.

• Falastin
• IHT
• Isroil