Ichki ishlar vazirligi tizimidagi “Topilmalar stoli” faoliyatini tugatish va tuman (shahar) Davlat xizmatlari markazlari tomonidan yo‘qolgan ashyolarni jismoniy va yuridik shaxslardan qabul qilish, saqlash va ularni egalariga qaytarish yoki ularni davlat arxiv idoralariga topshirish bo‘yicha davlat xizmati ko‘rsatilishini yo‘lga qo‘yish haqidagi taklifiga rozilik berilishi mumkin.

Bu haqda Hukumatning tegishli qarori loyihasi e’lon qilindi. 

Hujjat loyihasiga ko‘ra, 2022-yil 1-martdan boshlab Davlat xizmatlari markazlari tomonidan yo‘qolgan va topib olingan ashyolarni qabul qilish, saqlash, egalariga qaytarish yoki ularni davlat arxiv idoralariga topshirish bo‘yicha davlat xizmati ko‘rsatilishi yo‘lga qo‘yiladi.
Shuningdek, yo‘qotilgan ashyolarni qidirish bo‘yicha murojaatlar O‘zbekiston Respublikasi Yagona interaktiv davlat xizmatlari portali orqali ham qabul qilinishi belgilanmoqda.

Bundan tashqari yo‘qolgan ashyolarni qidirish, topilmalar haqida ma’lumot olish imkoniyatini nazarda tutuvchi “Topilmalar” avtomatlashtirilgan qidiruv tizimini joriy etiladi.

Davlat xizmatlari markazlari tomonidan yo‘qolgan ashyolarni jismoniy va yuridik shaxslardan qabul qilish, saqlash va ularni egalariga qaytarish yoki ularni davlat arxiv idoralariga topshirish tartibi to‘g‘risidagi nizom ham tasdiqlanadi.

• DXM
• Loyiha