YHXXning xabar berishicha, 2021-yil 13-oktabr kuni soat 10:30 larda Toshkent viloyati O‘rtachirchiq tumanidan o‘tgan “Avangard-O‘rtasaroy” avtomobil yo‘lining 5-kilometrida haydovchi B.T. boshqaruvida bo‘lgan Damas rusumli va haydovchi U.A. boshqaruvida bo‘lgan Vaz-2106 rusumli avtomobillar ishtirokida to‘qnashuv sodir bo‘lgan.

Mazkur to‘qnashuv natijasida yo‘lovchi Z.E. yengil tan jarohati olib shifoxonaga murojaat qilgan.

YTH yuzasidan tuman IIB YHXB mas’ul xodimlari tomonidan to‘plangan hujjatlar 2021-yil 27-oktabr kuni jinoyat ishlari bo‘yicha O‘rta Chirchiq tumani sudi tomonidan ko‘rib chiqilib, fuqaro B.T. O‘zbekiston Respublikasi Ma’muriy javobgarlik to‘g‘risidagi Kodeksning 133-moddasida nazarda tutilgan huquqbuzarlikni sodir etgan deb topilib, BHMning uch baravari miqdorida jarima jazosi belgilangan.

Huquqbuzar B.T.dan Xalq banki O‘rta Chirchiq filiali foydasiga 19 mln. 186 ming 42 so‘m, Xalq banki O‘rtachirchiq filialidan jabrlanuvchi A.A.ning foydasiga 7 mln. 773 ming 294 so‘m zarar undirilishi belgilangan.

• O‘rta_Chirchiq
• YHXBB
• YTH