Ijtimoiy tarmoqlarda 50 ming so‘mlik va 100 ming so‘mlik banknotlari o‘zgarishi haqidagi ma’lumot tarqadi. Bu bo‘yicha xabardor.uz sayti muxbiri murojaat qilganida, Markaziy bank matbuot xizmati ma’lumotni tasdiqlagani yo‘q, ammo rad ham etmadi.

Ma’lumot uchun, 50 ming so‘mlik banknot 2017-yili 22-avgustda, 100 ming so‘mlik esa 2019-yili 25-fevralda muomalaga chiqarilgandi.

Yangi kupyuralarda yangi xavfsizlik belgilari qo‘yilishi taxmin qilinmoqda, bu aynan shu banknotlar qalbaki pul tayyorlovchilar tomonidan ko‘proq tayyorlashga urinilishi bilan bog‘lanadi.

Manbalarning keltirishicha, banknotlarning muomalaga chiqarilishi yaqin orada e’lon qilinadi, qayd etilishicha banknotlar asta-sekin avvalgilari o‘rniga kiritib boriladi.

Yangi ko‘rinishdagi banknotning ko‘rinishi, tavsifi va chiqarilish sanasi Markaziy bank tomonidan OAVda e’lon qilinadi.

• Markaziy bank
• O‘zbekiston