2025-yilning yanvar-fevral oylarida O‘zbekiston 192,9 ming tonna meva-sabzavot mahsulotlarini chet el mamlakatlariga 175,1 million dollarga eksport qildi. Bu haqda Statistika agentligi xabar berdi.

Agentlik ma’lumotlariga ko‘ra, 2024-yilning shu davriga nisbatan eksport ko‘rsatkichi 23,1 foizga yoki 58 ming tonnaga kamaygan. Pul ko‘rinishida bu ko‘rsatkich 16,7 foizga oshgan.

Eksportning umumiy hajmi 3,8 foizni tashkil etdi. Bu yil meva-sabzavot eksporti 3,5 milliard dollarga yetishi kutilmoqda. Bu haqda Shavkat Mirziyoyev ishtirokida meva-sabzavot mahsulotlari ishlab chiqarish, qayta ishlash va eksportni ko‘paytirish chora-tadbirlariga bag‘ishlangan videoselektor yig‘ilishida so‘z yuritildi.

• Eksport
• O‘zbekiston