22°
Kechasi 12°
Moliya vazirligi “O‘zbekiston ipotekani qayta moliyalashtirish kompaniyasi” AJ o‘z faoliyatini davom ettirayotganini ma’lum qildi.
Vazirlikka ko‘ra, 2022-yilning 1-choragida tijorat banklari tomonidan ajratilgan ipoteka kreditlari 42 mln. AQSh doll. miqdorida qayta moliyalashtiriladi.
Kompaniya tomonidan xalqaro moliya tashkilotlaridan qo‘shimcha mablag‘lar jalb etilishi bo‘yicha tegishli ishlar olib borilmoqda va 2022-yilning ikkinchi yarim yilligida o‘zlashtirilishini boshlanishi kutilmoqda.
Ayni paytda joriy yilning birinchi yarim yilligida Moliya vazirligi resurlarini jalb etilishi nazarda tutilmoqda.
Kompaniya tomonidan taqdim etilgan resurslar hisobidan ikkilamchi bozordan uy-joylar sotib olish uchun 2021 yilda 1,9 trln. so‘m ipoteka kreditlari ajratildi, 2022-yil davomida 2,0 trln. so‘m miqdorida kreditlar ajratilishi rejalashtirilmoqda.
2021-2022-yillarda kapital bozorini rivojlantirish Dasturini amalga oshirish bo‘yicha Yo‘l xaritasi doirasida tijorat banklarini resurslar bilan barqaror ta’minlash maqsadida sekyuritizatsiya va ipoteka obligatsiyalar muomalasi amalga oshirilishini huquqiy asoslari yaratilmoqda.
2023-yildan boshlab Kompaniya tomonidan ipoteka obligatsiyalari chiqarilishi rejalashtirilgan va mazkur mablag‘lar hisobidan Kompaniya faoliyati yanada rivojlanadi.
Shu bilan birga, joriy etilgan yangi tartib doirasida Moliya vazirligi tomonidan tijorat banklariga birlamchi bozordan kvartiralar sotib olish uchun muntazam ravishda resurslar ajratib kelinmoqda.
Moliya vazirligi resurslari hisobidan birlamchi bozordan kvartiralar sotib olish uchun 2021-yilda 5,0 trln. so‘m ajratildi,
2022-yilda aholiga kreditlar berish uchun tijorat banklariga 12,8 trln. so‘m resurslar ajratilishi nazarda tutilgan.
Eslatib o‘tamiz, bir muddat oldin “O‘zbekiston ipotekani qayta moliyalashtirish kompaniyasi” AJ O‘zbekistonda ikkilamchi bozorga ipoteka kreditlarini ajratish ipotekani qayta moliyalashtirish kompaniyasi moliyalashtirish manbalari aniqlangunga qadar to‘xtatilganini ma’lum qilgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
