Italiyaning Paduya shahrida dunyoda birinchi marta urib turgan yurak ko‘chirib o‘tkazildi.

Shahar shifoxona-universitet boshqarmasi ushbu amaliyotni inqilob, deya ta’rifladi. Bunday amaliyot shifokorlarga yurak transplantatsiyasi natijalarini yaxshilash hamda nazorat ostidagi organ to‘xtab qolishining oldini olish imkonini beradi.

Xabarda aytilishicha, shu tariqa yurakni joyidan olish va ko‘chirib o‘tkazish jarayonida ishemik va reperfuzion shikastlanishlarga barham beriladi, yurak funksiyalarining operatsiyadan so‘ng tez tiklanishi ta’minlanadi.

Boshqarmaning ma’lumotlariga ko‘ra, bemorning ahvoli yaxshi va unga yaqinda uyiga javob berishadi.

• Italiya
• Jarrohlik
• Yangilik
• ilm-fan