Ilmiy ish qilayotgan xodimlarga o‘rtacha ish haqi va lavozimi saqlangan holda ijodiy ta’tillar beriladi. Bu haqda Davlat xizmatini rivojlantirish agentligi xabar berdi.

Unga ko‘ra ular quyidagi muddatlarga beriladi:

·        falsafa doktori (Doctor of Philosophy (PhD) ilmiy darajasini olishga doir dissertatsiyani yakunlash uchun hamda darsliklar va o‘quv-uslubiy qo‘llanmalar qo‘lyozmalarining mualliflariga – 3 oygacha;

·        fan doktori (Doctor of Science (DSc) ilmiy darajasini olishga doir doktorlik dissertatsiyani yakunlash uchun – 6 oygacha.

Ushbu ta’tillarning berilishi xodimlarning yillik ta’tilidan foydalanishiga to‘sqinlik qilmaydi.

• Ilmiy unvon
• Ta'til