Investitsiyalar va Xitoyning ulushi, so‘nggi uch yilda Xitoy investitsiyalarining:

50 foizi mahalliy sanoatga;

12 foizi yirik sanoatga;

11 foizi yoqilg‘i-energetika sohasiga;

4 foizi qishloq xo‘jaligiga yo‘naltirilgan.

Bu Xitoy investitsiyalari asosan ishlab chiqarish va eksport salohiyatini oshirishga qaratilganini ko‘rsatadi.

Yer masalasi:

O‘zbekiston Yer kodeksi bo‘yicha, xorijiy investorlarga yer sotilmaydi, balki uzog‘i bilan 25-yilga ijaraga beriladi. Shuning uchun “Xitoyliklar O‘zbekiston yerlarini egallab olmoqda” degan da’volar asossizdir.

Qishloq xo‘jaligi va sanoat

Xitoy investitsiyalari qishloq xo‘jaligida atigi 4 foizini tashkil etadi va ular asosan kam hosildorlikka ega yerlarni o‘rganib, samaradorligini oshirishga qaratilgan.

Bugungi kunda O‘zbekistonda 7600 dan ortiq tekstil korxonasi mavjud bo‘lib, ular yiliga 123,2 trillion so‘mlik mahsulot ishlab chiqaradi. Ulardan atigi 57 tasi Xitoy kapitali ishtirokida tashkil etilgan, ya’ni Xitoy kompaniyalari ulushi sezilarli emas.

Energetika sohasida muqobil manbalarga investitsiyalar kiritilmoqda.

O‘zbekiston qayta tiklanuvchi energetikani faol rivojlantirmoqda.

2024 yilda 2,7 GVt quyosh elektr stansiyalari,

752 MVt shamol elektr stansiyalari,

169 MVt mikro GESlar,

1,4 GVt energiya saqlash quvvatlari ishga tushirilishi rejalashtirilgan.

O‘zbekistonda 9 mlrd AQSh dollari qiymatidagi 20 dan ortiq energetika loyihalari Xitoy kompaniyalari ishtirokida amalga oshirilmoqda va ularda asosan mahalliy mutaxassislar ishlamoqda.

Jizzaxda BYD elektromobil zavodi qurilib, 1500 ish o‘rni yaratildi. Muhim energetika loyihalari doirasida 9 mlrd dollarlik 20 ta yirik loyiha amalga oshirilmoqda.

Xitoy investitsiyalari O‘zbekiston sanoatini rivojlantirish, yangi texnologiyalarni joriy etish va ish o‘rinlari yaratishga xizmat qilmoqda. Barcha kelishuvlar milliy manfaatlar himoya qilingan holda amalga oshirilmoqda.

• Hamkorlik
• Investitsiya
• O‘zbekiston
• Xitoy