“Imom Buxoriy majmuasiga kelgan aholi va ziyoratchilar xavfsizligini ta’minlash maqsadida bu yerda zamonaviy intellektual videokuzatuv tizimi joriy etildi”, – deya xabar bermoqda Samarqand viloyati hokimligi matbuot xizmati.

Ichki ishlar vazirligi “Xavfsiz shahar” markazi, “O‘zbektelekom” aksiyadorlik kompaniyasi hamda pudratchi tashkilotlar ishtirokida hudud to‘liq o‘rganilgan, loyiha-chizmalari ishlab chiqilib, kelishilgan. Hozirda majmua va uning hududiga jami 352 ta kamera o‘rnatilgan.

O‘rnatilgan kameralar viloyat IIB tezkor boshqaruv markazi va “Xavfsiz shahar” platformasiga integratsiya qilingan.

“Ushbu chora-tadbirlar majmuada jamoat xavfsizligini mustahkamlash, tartibni ta’minlash hamda tashrif buyuruvchilar uchun qulay va osoyishta muhit yaratishga xizmat qiladi”, – deyiladi xabarda.

• Imom Buxoriy
• Samarqand
• kamera