Indoneziya hukumati xorijiy investorlarni jalb qilish uchun yangi “oltin viza”ni tasdiqladi. Bu haqda mahalliy OAV mamlakat Inson huquqlari vazirligiga tayanib xabar bermoqda.

Agentlik maʼlumotlariga koʻra, bunday viza egalari mamlakatda besh yildan oʻn yilgacha yashashi mumkin boʻladi.

Ushbu chora bilan hukumat milliy iqtisodiyotni rag'batlantirishni rejalashtirmoqda.

5 yil muddatga viza olish uchun yakka tartibdagi investorlar 2,5 million dollarlik kompaniya yaratishi kerak.

10 yil uchun investorlardan 5 million dollar sarmoya talab qilinadi.

Korporativ investorlar besh yillik viza olish uchun 25 million dollar sarmoya kiritishlari kerak. 10 yillik viza ularga 50 million dollarga tushadi.

Bugungi kunda Qo'shma Shtatlar, Irlandiya, Yangi Zelandiya va Ispaniya kabi mamlakatlarda oltin vizalar mavjud.

• Indoneziya
• Oltin
• Viza