Indoneziya prezidenti Joko Vidodo G7 davlatlari rahbarlarini mojarolarni toʻxtatish va butun dunyoda tinchlik oʻrnatish uchun jasorat va inqilob qilishga chaqirdi. Bu haqda Indoneziyaning ANTARA agentligi xabar berdi.

"Rahbarlar sifatida biz bu dunyoda o'zgarishlar qilish va barcha mojarolarga barham berishimiz, shuningdek, katta inqilob qilish uchun jasorat va tayyorlikka ega bo'lishimiz kerak. Mojarolar faqat insonlarning qurbon bo'lishiga olib keladi. Barcha tomonlar tinchlik, barqarorlik va farovonlikni istaydi. Ammo dunyodagi hozirgi vaziyat bunga mos kelmaydi”, – dedi Vidodo Yaponiyaning Xirosima shahrida boʻlib oʻtgan G7 sammiti chogʻida soʻzlagan nutqida.

Indoneziya prezidentining qo‘shimcha qilishicha, “ishonchsizlik chuqurlashib bormoqda, raqobat kuchaymoqda, urushlar va mojarolar hamma joyda davom etmoqda”.

"Mojarolarni hal qilishda biz sezilarli yutuqlarga erishmadik. Keling, birgalikda vaziyatni o'zgartiraylik", – deya xulosa qildi Vidodo.

19-21-may kunlari Yaponiyaning Xirosima shahrida G7 sammiti bo‘lib o‘tdi. G7 aʼzosi boʻlmagan Indoneziya mehmon sifatida taklif qilindi.

• G7
• Indoneziya