“Indoneziyaning Shimoliy Sumatra provinsiyasida ko‘chkilar tufayli kamida 27 kishi halok bo‘ldi”, – deya xabar bermoqda TASS nashri mamlakat milliy favqulodda vaziyatlar agentligiga tayanib.

Qutqaruvchilar bedarak yo‘qolgan odamlarni topishga va ko‘chkidan zarar ko‘rgan yo‘llarni tozalashga harakat qilishmoqda. Xabarga ko‘ra, ko‘chkilar kuchli yomg‘ir yog‘ishi ortidan kelib chiqqan. Tabiiy ofat turar-joy binolari, masjidlar va sholi dalalariga zarar yetkazgan.

Avvalroq, iqlimshunoslar Indoneziya 2024-yil oxirigacha ekstremal ob-havo sharoitlariga duch kelishi haqida ogohlantirgan edi, chunki “La-Ninyo” iqlim hodisasi tufayli arxipelagda yog‘ingarchilik ko‘payadi.

La-Ninyo – Tinch okeanining markaziy va sharqiy qismida suv yuzasining sovuq yoki o‘rtachadan past haroratda bo‘lishidir.

• Indoneziya
• ko‘chki