Bolalar o‘limiga aloqador bo‘lgan firmaning boshlig‘i va yana uch nafar amaldori qamoq jazosiga hukm qilingan. Ushbu holatda aybdor deb topilgan shaxslar ikki yillik qamoq jazosiga hukm qilindi va 1 milliard Indoneziya rupiyasi (63 056 AQSh dollar) miqdorida jarimaga tortildi.

“Afi Farma” firmasi ortiqcha miqdorda zaharli moddalar bo‘lgan yo‘tal siroplarini ishlab chiqarishda ayblangan. Prokurorlar “Afi Farma” bosh direktori Ariyef Prasetya Xaraxapni to‘qqiz yilgacha, qolgan ayblanuvchilarni esa yetti yildan qamoq jazosiga hukm qilishni so‘ragan edi.

Prokurorning ta’kidlashicha, 2021-yilning oktyabridan 2022-yilning fevraliga qadar kompaniya yo‘talga qarshi siropga ikki partiya propilen glikol moddasini qo‘shgan. Bu partiyalarda 96% dan 99% gacha etilen glikol bo‘lgan. Ushbu moddalar erituvchilarga qo‘shimcha sifatida ishlatilishi mumkin. Propilen glikol toksik bo‘lmagan va dori-darmonlar, kosmetika va oziq-ovqatda keng qo‘llaniladigan bo‘lsa-da, etilen glikol zaharli bo‘lib, bo‘yoq, qalam va tormoz suyuqligida ishlatiladi.

Prokurorlarning ta’kidlashicha, kompaniya yo‘tal siropida ishlatiladigan ingrediyentlarni sinovdan o‘tkazmagan va buning o‘rniga yetkazib beruvchining sifat va xavfsizlik sertifikatlariga tayangan. Indoneziyaning dori vositalarini tartibga soluvchi organi dori ishlab chiqaruvchilardan ingrediyentlarni qattiq sinovdan o‘tkazishni talab qilmagan, deya intervyu bergan Afi Farmaning advokati BBS nashriga.

Bu holat butun dunyo bo‘ylab doridan zaharlanishdan ko‘paygan bir vaqtda sodir bo‘ldi. 2022-yildan beri 200 dan ortiq indoneziyalik besh yoshdan oshmagan bolalar, zaharlangan yo‘tal siropi tufayli buyrak yetishmovchiligidan vafot etgan. Gambiya va O‘zbekistonda 100 ga yaqin o‘lim qayd etilgan.

Jahon sog‘liqni saqlash tashkiloti (JSST) Hindiston va Indoneziyada ishlab chiqarilgan oltita yo‘tal siropi haqida ogohlantirdi.

• Dok-1 Maks
• Dori
• Zaharlanish