2-iyun, yakshanba kuni Indoneziyada Ibu vulqoni yana otilib, qalin kulrang kulni 7 ming metr balandlikka tashladi, deb yozadi “Zakon.kz”.

Indoneziya Geologiya agentligi rahbari Muhammad Vafidning so‘zlariga ko‘ra, Sharqiy Maluku provinsiyasidagi orolda joylashgan vulqon olti daqiqadan ko‘proq otilgan.

Osmonga kul ustuni ko‘tarildi. U vulqon kuli va qumni o‘z ichiga olgan materiallarni chiqardi.

Otilish vaqtida shamol g‘arbga esgan va natijada vulqon moddalari shamol tomonidan ilgari evakuatsiya qilinganlar yashaydigan joyga, Gam Ichi qishlog‘idagi dalaga olib ketilgan deya xabar beradi “National Disaster”. Ta’sir qilingan hududga agentlik guruhi yuboriladi.

Mahalliy ma’murlar aholiga ochiq havoda mashg‘ulotlar bilan shug‘ullanmaslikni va qum aralashgan kul yomg‘irlari davom etayotganda uyda qolishni tavsiya qilmoqda.

Ibu vulqoni may oyining boshidan beri uzluksiz otilmoqda. Indoneziya hukumati o‘tgan haftadan beri sodir bo‘lgan qator portlashlar ortidan ogohlantirishni eng yuqori darajaga ko‘tardi.

270 million kishilik arxipelag bo‘lgan Indoneziyada 120 ta faol vulqon mavjud. U vulqon faolligiga moyil, chunki u Tinch okeani atrofidagi ot taqasimon seysmik yoriqlar qatori “Olov halqasi” bo‘ylab joylashgan.

• Indoneziya
• Vulqon