Ma’lumotlarga ko‘ra, Instagram NFT’ni o‘z platformasiga ulashni rejalashtirmoqda. 

Ma’lum qilinishicha, savdo tokenlari ijtimoiy tarmoqning bosh kompaniyasi — Meta’ning metaolamini rivojlantirish strategiyasining bir qismidir. Bu haqida Instagram rahbari Adam Mosseri ma’lum qilgan.

“Hali e’lon qiladigan ko‘p narsa yo‘q, lekin biz NFT va uni keng auditoriya uchun qanday qilib yanada qulayroq qilishimiz mumkinligini faol ravishda tadqiq qilmoqdamiz”, — degan Adam Mosseri.

Shuningdek, Mosseri NFT savdosi bloggerlar uchun yangi monetizatsiya vositasiga aylanishiga umid qilmoqda. Business Insider tomonidan havola qilingan skrinshotlardan anglash mumkinki, NFT’lar platformaning maxsus bo‘limida joylashadi.

Qayd etilishicha, NFT’ga qiziqish 2021-yilda ortib, sotuvlar hajmi 12 milliard AQSh dollarga yetgan. Joriy yilning iyul oyida Facebook o‘zining nomini Meta deb o‘zgartirishi hamda guruhning metaolamni rivojlantirishga alohida e’tibor qaratishini e’lon qilgan.

• Instagram
• texnologiya