Avvalroq, Andijon viloyati hokimi Shuhrat Abdurahmonovning ishdan olingani toʻgʻrisidagi 14-aprel kuni tarqatilgan xabarlar rad etildi.

Andijon viloyati hokimligi matbuot xizmatining maʼlum qilishicha, 14-aprel kuni tushga yaqin hokim ish oʻrnida boʻlgan holda Paxtaobod tumanining Doʻstlik massividagi sanoat zonasidagi ishlarning borishi bilan tanishgan.

Shuningdek, u Izboskan tumani Manguberdi mahallasida boʻlib, yangi ishlab chiqarish korxonasi ishchilari bilan suhbat qurgan.

Bundan tashqari, hokim Bobur arenada boʻlib, qurilish-taʼmirlash ishlarini koʻzdan kechirgan. Shu bilan birga tumanning Beshterak mahallasi hududidagi 7-umumiy oʻrta taʼlim maktabida boʻlib, muassasada tashkil etilgan kasb-hunarga oʻrgatish tikuv sexining faoliyati bilan tanishgan.

• Andijon
• Shuhrat Abdurahmonov
• hokim