Toshkentdagi “Imom at-Termiziy” jome masjidiga Yahyo Abdurahmonov imom-xatib etib tayinlandi. Bu haqda Oʻzbekiston musulmonlari idorasi matbuot xizmati xabar berdi.

Maʼlum qilinishicha, 6-sentabr kuni Toshkent shahar bosh imom-xatibi Abduqahhor Yunusov mazkur masjidga tashrif buyurib, namozxonlarga yangi imomni tanishtirgan. 

Yahyo domla Abdurahmonov bunga qadar Olmazor tumanidagi “Imom al-Buxoriy” masjidi imomi sifatida ishlab kelgan.

Eslatib oʻtamiz, “Imom at-Termiziy” jome masjidining avvalgi imom-xatibi Isʼhoqjon Begmatov soliqlar va keshbek haqidagi chiqishlari munozaralarga sabab boʻlganidan soʻng, egallab turgan lavozimidan ozod etilgan edi.

• Imom-xatib
• Masjid