Islandiyada Grindavik shahri yaqinida Sundxnukur vulqonining otilishi boshlandi. Shu sababli yaqin atrofdagi hududni evakuatsiya qilish e’lon qilindi, deb xabar beradi “Zakon.kz”.

Grindavik o‘t o‘chirish boshqarmasi matbuot kotibi Eynar Sven Yonsson shaharda vulqon otilishi boshlanganidan so‘ng, hududda favqulodda holat e’lon qilinganini aytgan.

Islandiya meteorologiya xizmati vakili Benedikt Ofeigssonning so‘zlariga ko‘ra, magma chiqadigan yoriqning uzunligi 40 daqiqada 1,5 km.ga oshgan va hozir 3,9 km.ga yetgan. Lava soatiga 6 km tezlikda oqib chiqadi.

Bundan tashqari, Reykyavikda portlash fonida zilzila sodir bo‘lgan.

• Islandiya
• Vulqon