Isroil vazirlar mahkamasi 2021-yil 2-yanvar kuni yangi aholi punktlari va hududlarda minglab uy-joylar qurishni ma’lum qilgan. Unga ko‘ra, Golan tepaliklarida yahudiylar sonini ikki baravarga oshirish uchun 317 million AQSh dollarlik “misli ko‘rilmagan” reja bir qator mas’ullar tomonidan ma’qullangan.

“Bizning bugungi maqsadimiz Golan tepaliklari aholisini ikki barobarga ko‘paytirishdir. Golan tepaliklarida yashash sharoitini yanada yaxshilash barcha aholini birlashtiradigan tamoyil” – degan Isroil bosh vaziri Naftali Bennet.

Shuningdek, Isroildagi Katzrin qishlog‘i va Golan tepaliklarida, Isroil tomonidan bosib olingan Suriyaning ayrim hududlarida 23 ming ta ko‘chmanchi aholini uy-joy bilan ta’minlash uchun qo‘shimcha 7300 ta turar joy binolarini qurish qayd etilgan. Bundan tashqari, ikkita yangi Asif va Matar aholi punktlarida ham 2000 ta uy-joy qurilishi rejalashtirilgan.

Biroq, Isroildagi yahudiy aholi punktlari Birlashgan Millatlar Tashkiloti tomonidan noqonuniy deb topilgan. Shuningdek, Isroil bosib olgan Falastin va Suriya yerlarida turar-joy qurilishi Yaqin Sharq tinchligiga putur yetkazishi mumkin, deyiladi xabarda. Ushbu masala yuzasidan BMT Isroilni bir necha marta ogohlantirgan.

• BMT
• Isroil