Isroil armiyasi tomonidan “Al-Aqso shahidlari” shifoxonasi hududidagi chodirlarni bombardimon qilishi natijasida 11 ga yaqin falastinlik jabrlandi.

Isroil armiyasining uchuvchisiz samolyotlari chodirlarga zarba bergan. Bu haqda Falastinning WAFA axborot agentligi xabar berdi.

Hozirda Isroil hujumidan jabrlanganlar, jumladan, bolalar va jurnalistlar tibbiy yordam olish uchun kasalxonaga olib ketilgan.

Qayd etilishicha, 2023-yil 7-oktyabrdan boshlab Isroilning G‘azo sektoriga hujumlari natijasida 41 870 nafar falastinlik halok bo‘lgan. Ulardan 17 mingga yaqini bolalar, 11 378 nafari ayollardir. Shuningdek, 97 166 kishi yaralangan.

Xabarlarga ko‘ra, minglab halok bo‘lganlarning jasadlari hali ham vayronalar ostida qolmoqda.

• Falastin
• Isroil
• hujum