Belarusning Belavia aviakompaniyasi Ben Gurion (Tel-Aviv) aeroportida samolyotlarga xizmat ko‘rsatishdan bosh tortgani sababli Isroilga barcha reyslarni bekor qilishga majbur bo‘ldi. Bu haqda dushanba, 30-may kuni Belavia matbuot xizmati xabar berdi.
“Isroil aviatsiya maʼmuriyati Belavia’ga Ben Gurion aeroportida samolyotlarga xizmat koʻrsatishdan bosh tortdi, shu sababli aviakompaniya Tel-Avivga oldindan rejalangan reyslarni bekor qilishga majbur boʻldi”, – deyiladi kompaniya saytida.
Qayd etilishicha, Isroil bu qarorni dastlab, 2022-yil 15-mayda parvozlar uchun rasmiy ruxsatnoma berilgan va Bokuga texnik qo‘nish bilan yangi jadval bo‘yicha parvoz dasturi tasdiqlanganiga qaramay e’lon qilgan.
“Berilgan ruxsatnoma asosida aviakompaniya yangi reyslar uchun chiptalar sotishni boshladi, birinchisi 2-iyunga belgilangan edi. Isroil tomonining to‘satdan avvalgi kelishuvlarni bekor qilish qarori hayratlanarli”, - degan Belavia bosh direktori Igor Cherginets.
Aviakompaniya veb-saytida aytilishicha, Belavia 1996-yildan beri Minskdan Tel-Avivga muntazam reyslarni amalga oshirib kelmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!