Turkiya Prezidenti Rajab Toyyib Erdo‘g‘an Falastin prezidenti Mahmud Abbos bilan telefon orqali suhbatlashdi va Isroil G‘azo sektoridagi harakatlari uchun javob berishini ta’kidladi. Turkiya prezidenti administratsiyasi kommunikatsiyalar departamenti rahbari Faxrettin Altun ikki rahbarning suhbati haqida Turkiya televideniyesi efirida ma’lum qilgan.

Erdo‘g‘an Abbosga vaziyat qanday o‘zgarmasin, Turkiya “Isroilning G‘azo sektoriga qarshi vaxshiy hujumlariga qarshi turishda davom etishini” aytgan. “Isroil, albatta, bu ta’qiblar va zulmlarning badalini to‘laydi. Biz hammamiz sulh tuzish uchun barcha kuchlarni safarbar qilishimiz kerak. Biz Isroilga qarshi qat’iy va birlashgan jabhada kurashishimiz kerak”, – degan turk rahbari.

• Binyamin Netanyaxu
• Erdogʻan
• Falastin
• Isroil
• Turkiya